2011 წლის 22-23 აგვისტოს საქართველოს საგარეო საქმეთა მინისტრი გრიგოლ ვაშაძე ოფიციალური ვიზიტით ეწვია მექსიკის შეერთებულ შტატებს. ვიზიტის ფარგლებში იგი შეხვდა მექსიკის საგარეო საქმეთა მინისტრს პატრიცია ესპინოზას და მექსიკის კონგრესის დეპუტატთა პალატის საგარეო ურთიერთობათა კომიტეტის თავმჯდომარეს პორფორიო მუნიოს ლედოს. საქართველოს საგარეო საქმეთა მინისტრმა სიტყვა წარმოთქვა მექსიკის საგარეო საქმეთა სამინისტროსთან არსებულ მატიას რომეროს ინსტიტუტში.

2011 წლის 22-23 ივნისს საქართველოს საგარეო საქმეთა მინისტრმა გრიგოლ ვაშაძემ მონაწილეობა მიიღო გვატემალაში გამართულ „ცენტრალური ამერიკის უსაფრთხოების სტრატეგიის მხარდაჭერის საერთაშორისო კონფერენციაში", რომელიც გაიმართა ცენტრალური ამერიკის ინტეგრაციის სისტემის SICA-ს ორგანიზაციის ფარგლებში.