საქართველოს ელჩი მექსიკის საგარეო საქმეთა მინისტრის პირველ მოადგილეს შეხვდა

 

2024 წლის 25 ოქტომბერს საქართველოს ელჩმა, ზაზა გაბუნიამ შეხვედრა გამართა მექსიკის შეერთებული შტატების საგარეო საქმეთა მინისტრის პირველ მოადგილესთან, მარია ტერესა მერკადოსთან.

 

მხარეებმა განიხილეს ორმხრივი ურთიერთობების აქტუალური საკითხები და თანამშრომლობის შემდგომი გაფართოების პერსპექტივები. ყურადღება გამახვილდა საქართველოსა და მექსიკას შორის ორმხრივი ურთიერთობების მზარდ დინამიკაზე, მრავალმხრივ ფორმატებში თანამშრომლობასა და საერთო ინტერესების სფეროებში ქვეყნებს შორის არსებული კავშირების გამყარებაზე.