საქართველოს ელჩმა რწმუნებათა სიგელების ასლები გადასცა მექსიკის საგარეო საქმეთა სამინისტროს პროტოკოლის დეპარტამენტის გენერალურ დირექტორს
19 აგვისტოს საქართველოს საგანგებო და სრულუფლებიანმა ელჩმა, ნატალია კორძაიამ რწმუნებათა სიგელების ასლები გადასცა მექსიკის საგარეო საქმეთა სამინისტროს პროტოკოლის დეპარტამენტის გენერალურ დირექტორს, ჯონატან ჩაიტს.
ცერემონიის შემდეგ გამართულ შეხვედრაზე მხარეებმა ისაუბრეს ორმხრივი ურთიერთობის შემდგომ განვითარებასა და თანამშროლობის პერსპექტივებზე.
გენერალურმა დირექტორმა საქართველოს ელჩს თანამდებობაზე დანიშვნა მიულოცა და მომავალ საქმიანობაში წარმატებები უსურვა.