საქართველოს ელჩი კოსტა რიკის რესპუბლიკის საგარეო საქმეთა ვიცე-მინისტრს შეხვდა

საქართველოს საგანგებო და სრულუფლებიანმა ელჩმა (რეზიდენციით ქალაქი მეხიკო) ზაზა გაბუნიამ შეხვედრა გამართა კოსტა რიკის რესპუბლიკის საგარეო საქმეთა ვიცე-მინისტრთან, ალეხანდრო სოლანო ორტისთან.

შეხვედრაზე მხარეებმა წარმატებულად შეაფასეს ქვეყნებს შორის თანამშრომლობის დინამიკა, ისაუბრეს სავაჭრო კავშირების ზრდის შესაძლებლობაზე და ქვეყნებისათვის ორმხრივად სასარგებლო საკითხებში, ახალი სამუშაო ფორმატების ჩამოყალიბების მზადყოფნაზე.