საქართველოს ელჩი კოსტა-რიკის საგარეო საქმეთა მინისტრს შეხვდა

კოსტა-რიკის რესპუბლიკაში საქართველოს ელჩმა (რეზიდენციით ქ. მეხიკო), ზაზა გაბუნიამ შეხვედრა გამართა კოსტა-რიკის საგარეო საქმეთა მინისტრთან, არნოლდო ანდრე ტინოკოსთან.

შეხვედრაზე განხილულ იქნა ორმხრივი ურთიერთობების მიმდინარე საკითხები და თანამშრომლობის შემდგომი გაღრმავების შესაძლებლობები.

მხარეებმა ხაზი გაუსვეს საქართველოსა და კოსტა-რიკას შორის წლების მანძილზე ჩამოყალიბებულ მეგობრულ ურთიერთობებს და დააფიქსირეს არსებული კავშირების განმტკიცების სურვილი.