საქართველოს საქმეთა დროებითი რწმუნებული პანამის რესპუბლიკის საგარეო საქმეთა მინისტრის მიერ გამართულ მიღებას დაესწრო
მექსიკაში საქართველოს საქმეთა დროებითი რწმუნებული, ნიკოლოზ სახვაძე პანამის რესპუბლიკის საგარეო საქმეთა მინისტრის, ხავიერ მარტინეს-აჩას მიერ გამართულ მიღებას დაესწრო.
ღონისძიება პანამის საგარეო საქმეთა მინისტრის მექსიკაში ვიზიტისას გაიმართა და მასში მონაწილეობა მიიღეს პანამაში აკრედიტებული დიპლომატიური მისიების წარმომადგენლებმა (რეზიდენციით ქ. მეხიკო).
ღონისძიების ფარგლებში, პანამის საგარეო უწყების ხელმძღვანელსა და საქართველოს საქმეთა დროებით რწმუნებულს შორის შედგა ორმხრივი შეხვედრა, რომლის დროსაც განიხილეს საქართველოსა და პანამას შორის ურთიერთობების დინამიკა და თანამშრომლობის პერსპექტივები.
ყურადღება გამახვილდა პოლიტიკური დიალოგის გაღრმავებაზე, მაღალი დონის ვიზიტების და შეხვედრების განხორციელების მნიშვნელობაზე და მრავალმხრივ ფორმატებში ურთიერთმხარდაჭერის გაგრძელებაზე.