უნესკოს მსოფლიო კონფერენცია კულტურული პოლიტიკისა და მდგრადი განვითარების შესახებ MONDIACULT 2022
თემატურ სესიაზე საქართველოს კულტურის, სპორტისა და ახალგაზრდობის მინისტრი თეა წულუკიანი დამსწრე საზოგადოების წინაშე ვიდეომიმართვით წარსდგა. მინისტრმა მადლობა გადაუხადა იუნესკოს და მექსიკის მთავრობას გაწეული შრომისა და ღონისძიების ორგანიზებისათვის. მან ისაუბრა კულტურის ახალი კოდექსის ინიციატივის შესახებ, რომლის საშუალებითაც, სქართველოში უკეთ იქნება დაცული კულტურული მემკვიდრეობა, მათ შორის, რუსეთის ფედერაციის მიერ ოკუპირებულ ტერიტორიებზე.
ადგილზე ღონისძიებას ესწრებოდა საქართველოს საელჩო, მექსიკის შეერთებული შტატებში საქართველოს საგანგებო და სრულუფლებიანი ელჩის - ზაზა გაბუნიას ხელმძღვანელობით.
კონფერენციის დასასრულს მიღებულ იქნა ერთიანი დეკლარაცია, რომელიც ითვალისწინებს მსოფლიოში მიმდინარე ცვლილებების ფონზე კულტურის სფეროს ხელშეწყობას და მის ადაპტირებას ახალ გამოწვევებზე.
